- Нывонды куывд Джеоргуыбайы бæрæгбон
-
– Стыр Хуыцауы хорзæх нæ уæд!– Оммен, Хуыцау!– Кæддæриддæр нын æххуысгæнæг куыд уа,Уыцы амонд нæ уæд!– Оммен, Хуыцау!– Бæрæгбон у, æмæ ныл афæдзæй-афæдзмæ домбайдæрæй куыд цæуа,Уыцы амонд нæ уæд!– Оммен, Хуыцау!– Уастырджийы бонтæ сты, æмæ Уастырджи хуыздæр ахъаз кæмæн ракодта,Mах дæр уый æмбал куыд уæм,Aхæм амонд нæ уæд!– Обмен, Хуыцау!– Бинонтæ стæм, æмæ домбайдæр бинонтæ чи фæци,Стыр Бæрзонд Хуыцау хуыздæр хæрзтæ кæмæн ракодта,Мах дæр уыдон æмбал куыд уæм,Ахæм хорзæх нæ уæд!– Оммен, Хуыцау!– Уæдæ нын сыхбæстæ ис æмæ уыцы сыхбæстимæ кæрæдзийы æмбаргæйæ,Уарзонæй куыд цæрæм,Ахæм амонд нæ уæд!– Оммен, Хуыцау!– Hæ хистæртæ амондджынæй, хъæлдзæгæй сæ кæстæрты циндзинадæй æфсæст куыд уой!– Оммен, Хуыцау!– Бæрæгбон у, æмæ хистæртæн Хуыцау ахæм ахъаз бакæнæд,Æмæ сæ кæстæртæ фылдæрæй-фылдæр,Амондджынæй-амондджындæр куыд кæной!– Оммен, Хуыцау!– Уæдæ афæдзæй-афæдзмæ кусæрттæ фæкæнæм,Æмæ сæ Стыр Хуыцау йæхимæ адджынæн кæмæн айста,Мах дæр уый æмбал цы фæуæм,Уастырджи нын кæддæриддæр æххуысгæнæг куыд уа,Ахæм хорзæх нæ уæд!– Оммен, Хуыцау!– Зæдтæ бирæ сты, бирæ адæм сæм фæкуывтой.Hæ фыдæлтæн бирæ хорздзинад куыд дæттой,Уыцы амонд нæ уæд!– Оммен, Хуыцау!– Хохæй быдырмæ цы дзуæрттæ ис,Уыдон нын кæддæриддæр æххуысгæнæг куыд уой,Aхæм амонд нын Хуыцау раттæд!– Оммен, Хуыцау!– Тæтæртупп нæ сæрты тæхæг у,Æмæ нын нæ цонг домбай куыд кæна, уыцы амонд нæ уæд!– Оммен, Хуыцау!– Уæдæ, бæркадджын куыд уæм кæддæриддæр,Уыцы амонд нæ уæд!– Оммен, Хуыцау!– Дуне сабыр куыд уа, зæххы къорийыл адæм сæ кæрæдзийы куыд уарзой,Уыцы амонд нæ уæд!– Оммен, Хуыцау!– Къæсæры Уастырджи нын нæ къæсæр домбай куыд кæна,Нæ фæндæгтæ та – рухс,Уыцы амонд нæ уæд!– Оммен, Хуыцау!– Гъеныр, уазæгæй чи ‘рбамбæлди, хæстæгæй чи ‘рбамбæлди,Уыдон дæр амондджын куыд уой,Уыцы хорзæх нын ратт.– Оммен, Хуыцау!– Кусæрттаг хъабыл уæд,Афæдзæй-афæдзмæ амондджын бæрæгбæттæ куыд кæнæм,Уыцы амонд нæ уæд!– Оммен, Хуыцау!– Оммен чи загъта, уыдоны цардамонд дæр бирæ уæд!– Оммен, Хуыцау!кæс ИРОН ÆГЪДÆУТТÆ
Словарь по этнографии и мифологии осетин. 2014.
